Font Download
Main Menu
Home
Ministry of Religious Affairs
Department of Religious Affairs
Department for the Promotion And Propagation of Sasana
International Theravada Buddhist Missionary University
The World Buddhist Summit
Research Library
News
Articles
စာမေးပွဲအောင်စာရင်းများ
တရားတော်များ
ဓမ္မစာစုများ (Quotes)
စာပုံနှိပ်တိုက်


ဘုရားရှင်၏သြဝါဒ

မကောင်းမှုမှန်သမျှ မပြုလုပ်ခြင်း
ကောင်းမှုမှန်သမျှ ပြည့်စုံစေခြင်း
မိမိစိတ်ကို ဖြူစင်စေခြင်း

ဤတရားသုံးပါးသည် ခပ်သိမ်းသော ဘုရားရှင်တို့၏ အဆုံးအမ သြဝါဒပေတည်း။

 
Back 27, Tuesday - March 2018
ဓမ္မာစရိယစာမေးပွဲ ဖြေဆိုနေစဉ် စာဖြေခန်းအတွင်း မူးလဲ၍ ပျံလွန်တော်မူသွားခဲ့သည့် ဘဒ္ဒန္တဇောတ နှင့်ဓမ္မာစရိယစာမေးပွဲ ဖြေဆိုရန် ကြွရောက်စဉ် ဆိုင်ကယ်တိမ်းမှောက်ပြီး ပျံလွန်တော်မူခဲ့သည့် ဘဒ္ဒန္တပညိန္ဒ တို့၏ အန္တိမဈာပနအခမ်းအနားတို့အတွက် အလှူတော်ငွေကျပ် ၅ သိန်းစီ လှူဒါန်း

၂၄-၃-၂၀၁၈ ရက်နေ့၊ ၁၄၂၀ အချိန်တွင် ရန်ကုန်တိုင်းဒေသကြီး၊ တောင်ဥက္ကလာပမြို့နယ်၊ ငွေကြာရံ ပရိယတ္တိစာသင်တိုက်မှ ဘဒ္ဒန္တဇောတ(၅၂ နှစ်၊ ၃၂ ဝါ)သည် သင်္ဃန်းကျွန်းမြို့နယ်၊ အထက(သုဝဏ္ဏ)စာဖြေဌာန၌ဓမ္မာစရိယ စာမေးပွဲဖြေဆိုနေစဉ် စာဖြေခန်းအတွင်း မူးလဲသွားသဖြင့် သင်္ဃန်းကျွန်းစံပြဆေးရုံသို့ ပို့ဆောင် ကုသခဲ့ရာ ယင်းနေ့၊ ၁၄ ၄၀ အချိန်တွင် ဆီးချို၊ သွေးတိုးရောဂါများကြောင့် ပျံလွန်တော်မူခဲ့ပါသည်။

          ၂၅-၃-၂၀၁၈ ရက်နေ့၊ ၁၁ ၀၀ အချိန်တွင် မန္တလေးတိုင်းဒေသကြီး၊ ကျောက်ပန်းတောင်းမြို့နယ်၊ ပြည့်ဝကျေးရွာ၊ တောင်ပုလုပရိယတ္တိပဋိပတ္တိတိုက်ခွဲ ပြည့်ဝရှင်ကျောင်းတိုက်မှ တိုက်အုပ်ဆရာတော် ဘဒ္ဒန္တပညိန္ဒ(၂၉ နှစ်၊ ၉ ဝါ)သည် ဓမ္မာစရိယစာမေးပွဲဖြေဆိုရန် ကျောက်ပန်းတောင်းမြို့စာဖြေဌာနသို့ မော်တော်ဆိုင်ကယ်ဖြင့် လိုက်ပါ၍ကြွရောက်စဉ် မိတ္ထီလာ-ကျောက်ပန်းတောင်း ကားလမ်းမပေါ်၌ လားရာတူမှ မောင်းနှင်လာသော မော်တော်ဆိုင်ကယ်ဖြင့် တိုက်မိခဲ့ရာဆိုင်ကယ်တိမ်းမှောက်ပြီး ရရှိသောဒဏ်ရာပြင်းထန်သဖြင့် ယင်းနေ့၊ ၁၁ ၄၇ အချိန်တွင် ကျောက်ပန်းတောင်းပြည်သူ့ဆေးရုံ၌ ပျံလွန်တော်မူခဲ့ပါသည်။

          ဖော်ပြပါ သံဃာတော် ၂ ပါးသည် ပရိယတ္တိဝန်ဆောင် ပုဂ္ဂိုလ်ထူးပုဂ္ဂိုလ်မြတ်တို့ ဖြစ်ပါသဖြင့်  သာသနာတော်အတွက် အစားထိုး၍မရသော ဆုံးရှုံးမှုတစ်ရပ်ဟု မှတ်ယူကာ သာသနာရေးနှင့်ယဉ်ကျေးမှု ဝန်ကြီးဌာန (သာသနာရေး)အနေဖြင့် ဝမ်းနည်းကြေကွဲ နှမြောတသ ဖြေမဆည်နိုင်ဖြစ်ရသောကြောင့် ၂၇-၃-၂၀၁၈ ရက်နေ့၊ နံနက်ပိုင်းတွင် သာသနာရေးနှင့်ယဉ်ကျေးမှုဝန်ကြီးဌာန(သာသနာရေး)က ဖော်ပြပါသံဃာတော် ၂ ပါးတို့၏အန္တိမဈာပန အခမ်းအနားတို့အတွက် အလှူတော်ငွေကျပ် ၅ သိန်းစီကို သက်ဆိုင်ရာ အန္တိမဈာပနအခမ်းအနားကျင်းပရေး ကော်မတီတို့ထံ လှူဒါန်းခဲ့ပါသည်။

 

(သာသနာရေးနှင့်ယဉ်ကျေးမှုဝန်ကြီးဌာန)